Urte Berri On!

(* Ezin badezakezu irudiak ikusi, klikatu “Ver imágenes inseguras” buletin honen bukaeran.)

Denbora asko da azkena idatzi genizunetik. Ondo gaude, ttikien hazkuntzan burubelarri murgilduta. Duela urtebete pasetxo iritsi zen Kenta, eta lana eta dedikazioa biderkatu egin direnez aisialdirako tartea ia desagertu egin da guretzat.

Baina garrantzitsuena beraiek primeran daudela da. Egunotan hasi da txikiena oinez eta oso garai aktiboan dago. Ezta geldirik egotekoa! Hor ibiltzen da batera eta bestera eskueran duen edozeren bila.

Akirak hiru urte bete berri ditu, eta elkarrizketa eskatzen du hark. Badu horretarako galdera kuttun bat gainera: “Zergatik?”, eta hor hasten dira elkarrizketa luzeak...

Kenta haurtzaindegira joaten da eta Akira etxetik gertu daukagun eskola batetara. Oso ondo zaintzen dituzte eta pozik joaten dira.

Beren zaintza eta hezkuntzak ia gure denbora osoa hartzen du, eta oraingoz eztaukagu buruan haiekin bidaiatzea. Aurreragorako utziko dugu.

Martxoan, hori bai, nik egin nuen bidaia bat, bakarka. Myanmarren hilabete pasatu nuen, argazkigintza buruan nuela. Sekulako esperientzia izan zen. Inguruko beste herrialdeak ezagutzen nituen baina bertako arazo politikoak tarteko ez nuen Myanmarrera sartzeko aukerarik izan. Garraio publiko bidez mugitu nintzen batik bat, baina kontatzen hasi baino hobe segidako muntaiatxo hau ikusten baduzu, 4 minutuko iraupena du eta musikatua dago:http://vimeo.com/30383028.

Miyuki, sortzen zaizkion tarte libre urrietan Web orrialdeekin zerikusia duten lanetan aritzen da, eta nik hainbat gauza egiten ditut: Unicef-entzat lan egiten dut hilabete batzuetan eskola eta institutuetan ematen den Garapenerako Hezkuntza proiektu batekin, Gasteizko Udalarentzat argazkigintza klaseak ematen ditut,…

Eta bidaiei buruzko proiekzioekin ere ari gara, baina une honetan erabat lotuta naukan proiektu liluragarri batean murgilduta nago: “Bidaia Kontalaria”. Munduari bizikletaz itzulia eman nioneko bidaia ipuin kontalarien teknikak erabiliz kontatzen dut, egiaz ipuin bat bailitzan. 6tik 12 urtera bitarteko umeei zuzendua dago. Irudimena erabiliz bidaiak eginarazten dizkiet eta ondo pasatzeaz batera asko ikasten dute.

Horrela gabiltza, umeak hezten eta nahiz etxean egon bidaiekin lotutako proiektuekin ilusionatuta.

Besterik ez, jaso besarkada handi bat ea festak bikain pasatu ditzazula eta 2012 zoragarri bat izan dezazula. Agur bero bat familia osoari!

Mila esker Aitor Elduaieni itzulpena egiteagatik.

Nuestros e-mails: miyuki@acercandoelmundo.com - eneko@acercandoelmundo.com

Este boletín se envía a 5599 personas.